米媽的少少感性時間，長長地，但希望大家睇到尾，想藉此多謝我的保險agent Clara Fung。
米媽開始做野之後，遇著過幾個保險agent,有大同，有朋友的AGENT。米媽果時剛出來做野，又岩岩結婚，梗係想幫自己同老公買份保險，唔係MEDICAL就係投資儲蓄。買保險果時就好落力，買完之後就唔理你。 當佢唔夠QUOTA時，出新PLAN先會再搵你。 其中有幾次需要睇醫生，以為會賠足，到最後先講爭少少，其實我唔係介意果少少分別，但身為保險，係咪應該計清楚條數俾個客知，等個客決定呢。所以，我真係唔再信保險。
而姑奶每次有咩事要入院定睇醫生時，都會同我講佢個保險跟得幾好，叫我考慮下。通常，人地咁介紹法，當然唔會理啦。就咁過左兩年。
有一次，我胃痛，我搵唔到我個保險，於是姑奶就叫我搵佢個保險馮小姐，佢幫我打去問我份保險包D咩，之後安排我睇醫生，再安排入院照胃，之後搞出院，幫我入單搞CLAIM，中間我個保險知道我入院但咩都冇做。 講真，真係好大對比，果時我會諗，佢都係想我幫買單先咁好表現0者。 後來又唔見佢搵我，淨係講句，有需要可以俾D單佢幫我睇下。當然，米媽又冇左回事啦。
之後又過左一年，係自己個AGENT果度買既REVIEW REPORT出左…負數得好緊要…問我個AGENT咁多年都話唔好郁佢，我心諗唔係辦法，於是就打去約保險馮小姐，俾曬D單佢睇，有D，佢建議KEEP住但轉另外幾隻基金，有D，佢建議停供。 而當時佢話，既然我有保險，就唔駛幫佢買，佢可以照俾意見我。 之後果年，個基金居然開始止蝕，唔係掛….之前個AGENT淨係識話唔好郁…呢件事之後米媽就開始信呢個人。
最後，我同米爸同佢買左最基本既人壽醫療。一個保險究竟好唔好，其實真係好難睇，唯有用時間去證明，而今次，我想係度分享下我個AGENT，係因為，呢三年入面，佢真係好好，跟到好足，仲用額外既私人時間去幫我同我屋企人，我好感恩亦都多謝佢。 有幾多個保險AGENT真係可以做到咁?我好懷疑，就算係扮，都好難可以扮足3年。
呢3年入面，有一次，佢放大假係加拿大時，我whatsapp佢講起我個胃痛左成星期，食胃藥都無好到，想搵佢俾個醫生聯絡我，等我去完大陸後先返黎睇。 因為果次我婆婆係鄉下過身，我好難過…但個AGENT居然打俾我，話痛左成星期唔尋常，怕我返大陸時仲痛多左無醫生睇。但我話我後日一定要返大陸，就算而家睇醫生都唔會咁快幫我睇到。 保險馮小姐即刻話,得，我聯絡我個上司，叫佢即刻幫你搞。 於是，即日佢個上司幫我約左醫生，睇完即刻安排果晚入院照，第2日出返黎，有埋報告…嚴重胃酸倒流加優門羅旋菌。佢個上司幫我搞出院同埋搞CLAIM。 果次，好在有我個保險迫我睇醫生…而佢個上司又係好好。
之後，我媽媽唔舒服，要睇醫生，雖然唔係幫佢買保險，但又係知道佢個保險唔理佢，佢又唔識搞，我又唔得閒…佢陪佢睇醫生，覆診，幫佢搞第2間公司既保險單CLAIM保險…..
其實，米媽身體一直都唔係太好，有D根本性的病，所以，成日都需要睇醫生，入院，個保險會搵醫生俾我，每一次都陪我去，就算佢唔係度，佢都會搵上司幫我搞。佢唔會嫌我淨係俾佢賺過兩張單，仲要係一千蚊到一個月果D基本MEDICAL 單。但就麻煩多多，成日要睇醫生，要入院。從來都無，而且每次都到。米媽好多謝佢。
直到兩年前，米媽同一家人都覺得我爸爸身體一直都好強壯，所以之前都無幫佢買保險。但米媽突然覺得，好似買左穩陣D，於是幫爸爸買左份一千蚊一個月既住院保險。其實都係買個心安。點知今年5月，就需要用到….今年，爸爸暈低入左急症，之後我同馮小姐都有保持聯絡，睇下到時有無需要去私家。後來，到出院時，我地先知道個壞消息…米媽六神無主，打俾馮小姐，原來佢已經估到係果種病，係果幾日，佢已經搵定醫生俾我地，政府俾左全港可以照全身掃描既醫院電話我地，叫我地自己打去格下價。 果日，係個保險陪我逐個打左十幾個電話，搵到一間最快有期照又唔算貴既醫院去照。 之後，果兩星期，相信係我呢世人，最軟弱最崩潰，又最需要堅強既時候，我需要實質既即時幫助，專業意見，同埋要安撫我家人，係我身邊實質最幫得手既，唔係其他人，係我個保險。 佢幫我打去問相熟既相關醫生，我爸爸而家咁既情況應該點做好，又車我同爸爸去醫院照掃描，陪我等足4個鐘，又幫我搵朋友借卡，陪我一齊去買營養奶粉，到掃瞄報告一出時，佢車我去攞，之後打去搵相熟醫生，欠人人情咁，話我地好急，可唔可以幫手睇份報告，俾下意見先。於是，我地兩個拎住份報告去人地診所，等到人地睇左所有病人，再一齊入去見醫生，醫生將佢知道既話曬我知，等我可以早D有心理準備點樣可以同屋企人講，同埋點樣同爸爸講同一齊去醫病，果一晚，醫生同我地傾左一個鐘，最後，一蚊都無收過。原來，係真係有好AGENT，亦真係有仁醫。 之後，一直落黎，每星期保險會陪我去買營養奶粉，佢唔係香港時就會係咁提我記得自己去買。
其實米媽只係幫佢買左幾份平平地既保險，但係佢，幫我既，係計唔到。你可以話，幫佢買得保險，就係佢責任啦，呢D係佢本份黎。 無錯，你幫佢買保險，佢係有賺，但有無義務做咁多野? 同埋，你又遇到幾多有責任心，有同情心，誠實既保險? 米媽真心多謝佢。呢D唔係淨係因為我幫佢買左呢幾份保險佢先幫我，先咁表現，日久見人心，仲有小米咁多次睇醫生都陪我去。 多謝你，令我呢3年，特別係呢幾個月，令我個生活可以輕鬆D，可以堅強D。
講到最後，希望佢都一樣可以幫到大家，大家如果需要保險意見或者有咩保險需要，即管搵佢。米媽，真心介紹俾大家。 要佢CONACT就問我啦
Search